Ef efri árin endast vel,
engu þarf að kvíða.
En sannast bezt að segja hér,
er seigdrepandi að bíða.

Árin líða, ekkert stanzar,
ellin færist nær og nær.
Ef í lagi, allir sanzar,
ekki að kvarta, vinur kær.

Fávizkan er fjandi slæm,
forðumst allir hana.
Biðjum okkur betri bæn,
en bíðum ekki bana.

"Húmorinn" er hikstalaust,
heilsubót sem bætir.
Endist vel og eykur traust,
auðnu einnig kætir.

Kviðlingar á kvæðakvöldum
og kærleiksríkum fundum.
Hátíðlegar helgar höldum,
á heimsins beztu stundum.