Þegar systkini rífast

Börn sem búa á sama heimili rífast, deila, slást og taka þátt í öðrum óásættanlegum samskiptum. Þó að þetta sé eðlilegt í einhverju mæli, þá ætti að vera meira um jákvæðar tilfinningar en neikvæðar í samskiptum systkina.

Ástæður:

• Þörf fyrir óskerta athygli foreldranna er aðal ástæðan. Ef börnin eru að slást um athygli foreldranna, er besta ráðið að draga sig í hlé. Haltu þig fjarri og neitaðu að taka þátt í rifrildinu/slagnum. Þau munu fljótlega finna sér eitthvað annað að gera.
• Börn stríða líka hvert öðru einfaldlega af því þeim leiðist. Ef það er mikið um deilur út af engu er líklegt að börnunum leiðist einfaldlega. Slöktu á sjónvarpinu og láttu börnin fá verkefni/vinnu, þau rífast ekki og slást ef þau eru of þreytt til þess.
• Stundum þá þola systkini einfaldlega ekki hvort annað. Ef að rifrildið er upprifjun á gamalli gremju, er líklegt að börnin eigi við raunveruleg ósætti að stríða, líklega vegna mismunandi sjónarhorns eða mismunandi persónuleika. Þau þarfnast hjálpar til að leysa málið.

Viðbrögð foreldranna:
Það sem virkar:

1. Komdu í veg fyrir líkamsmeiðingar.
   Aðskildu deilandi börn áður en reiði snýst yfir í ofbeldi.
2. Sendu bæði á sinn hvorn staðinn. Kína og Austurríki væri gott en stólar sitthvoru megin í herberginu duga. Þetta er mjög nauðsynlegt.
3. Ekki dæma

   Það versta sem þú getur gert er að reyna að ákveða hverjum þetta er að kenna, á hvern skuli skella skuldinni, eða hver byrjaði. Þegar upp er staðið munu bæði börnin hata foreldrið sem reynir að skipta sér af sem dómari.   Spurningin er ekki hver gerði hvað heldur hvað ætlum við að gera í því?

   Notið samningaleiðina

Þetta virkar!

Einfaldasta leiðin til að leysa þessar deilur er að gefa báðum börnunum eftirfarandi leiðbeiningar.

• "Þið megið fara úr stólunum þegar þig gefið hvoru öðru leyfi til þess. Þú mátt ekki standa upp fyrr en bróðir þinn gefur þér leyfi til þess og hann má ekki standa upp fyrr en þú gefur þitt leyfi til þess." (Endurtaktu fyrir hitt barnið.)
• "Þegar þið eruð bæði tilbúin að veita hvoru öðru leyfi , þá megið þið standa upp.."
• "Það eru engin tímamörk, og ég sem foreldri ætla ekki að skipta mér af nema til að setja þessa reglu. " (Vertu búin að ákveða afleiðingar fyrir það barn sem neitar að virða regluna. Það reynist ekki nauðsynlegt nema nokkrum sinnum.)

Það virkar líka vel að senda börnin inn í sitthvort herbergið og þau mega ekki koma út fyrr en þau gefa hvoru öðru leyfi til þess. Þau verða þess vegna að heyra í hvoru öðru frá herbergisdyrunum sínum.

Við hverju má búast?

Í byrjun munu börnin tjá reiði sína í orðum. Verið viðbúin að heyra ýmis ljót orð og uppnefningar notuð til að reyna að draga foreldrið inn í deiluna. Farðu út úr herberginu.

Hunsaðu þessa hegðun barnsins. Ekki láta draga þig inn í deiluna. Þegar börnin eru viss um að þau eru skilin eftir ein, munu þau reyna að semja sín á milli og uppgötva hvernig hægt er að nota málamiðlanir til að leysa málin. Þeirra lausn er etv. ekki alltaf sú sem foreldrarnir hefðu kosið,  en hún verður allt sú lausn sem börnin eru sátt við og koma til með að virða.

Þessi aðferð virkar raunverulega og hún leggur ábyrgðina þar sem hún á heima, á börnin. Að meta valkostina, leysa vandamál, semja og nota málamiðlun eru lærðir hæfileikar. Börnin læra best af reynslunni og þessi tækni kennir börnunum réttlæti   og að halda friðinn.

Þýtt og endursagt af Arndísi eftir grein Elaine M. Gibson

25.02.2003